طبعا انتو اكيد سمعتو قبل كده الاغنيه اللي بتقول مصر هي مامتى...خضرا لون بيجامتى
لكن يا تري انتو حاسينها...حاسين فعلا ان مصر مامتنا..حاسين بانتماء ليها؟
لو بصينا دلوقت للوضع الراهن في مصر بس متبصوش كتير عشان عنيكم متوجعكوش
هنلاقيها مش هي مصر بتاعة زمان..هتلاقو ان اسمها تحول من مصر المحروسة اللي مصر المنحوسة
بلاوي وكوارث وحوادث
حبس وتعذيب
تأخر في جميع المجالات
ديكتاتورية وغياب فظيع للديموقراطية وتحكم الامن في كل شبر في البلد
كرامة المصريين متهانه في الداخل والخارج ومتسواش اكتر من تلت اربع تلاف ملطوش في احسن الاحوال كتعويض
عن حرقهم او غرقهم او دهسهم
فشل في كل شيء واي شيء
ونجاح باهر في الاغانى وفيديو كليبات العري
لغاية ما الناس بتوع دول الخليج افتكرو ان مصر دي وكر استغفر الله العظيم يعني مش قادر انطقها دعارة وكده
والاعلانات اللي تغيظ اللي تقولك نورتو مصر ونيلتو مصر واكيد انتو عارفينها وعارفين منظر البنات اللي بيطلعو فيها
صحة مفيش وامراض منتشرة في معظم جسد المصريين ونظام تأمين صحي زي الزفت وبالتالي انتاج مفيش
نظام تعليم فاشل وبيطلع اجيال من معدومى الابتكار والتفكير
البلد بتتباع..واللي عبد الناصر اممه وفاد بيه البلد هما جايين يبيعوه دلوقت
مع ان القطاع العام هوه اللي موقف البلد على رجليها لغاية دلوقت
يا تري هي دي مصر
هل تقبلو ان دى تبقي امكم
تقبلو انها تبقي بالشكل ده
انا صحيح بحب مصر..لانها بلدى ..ولانها تستحق انها تتحب
لكن معقولة مصر تستحق مننا كل ده
انا اعلنها صراحة...بحبك يا مصر...وبكرهك يا حكومة مصر
لكن يا تري انتو حاسينها...حاسين فعلا ان مصر مامتنا..حاسين بانتماء ليها؟
لو بصينا دلوقت للوضع الراهن في مصر بس متبصوش كتير عشان عنيكم متوجعكوش
هنلاقيها مش هي مصر بتاعة زمان..هتلاقو ان اسمها تحول من مصر المحروسة اللي مصر المنحوسة
بلاوي وكوارث وحوادث
حبس وتعذيب
تأخر في جميع المجالات
ديكتاتورية وغياب فظيع للديموقراطية وتحكم الامن في كل شبر في البلد
كرامة المصريين متهانه في الداخل والخارج ومتسواش اكتر من تلت اربع تلاف ملطوش في احسن الاحوال كتعويض
عن حرقهم او غرقهم او دهسهمفشل في كل شيء واي شيء
ونجاح باهر في الاغانى وفيديو كليبات العري
لغاية ما الناس بتوع دول الخليج افتكرو ان مصر دي وكر استغفر الله العظيم يعني مش قادر انطقها دعارة وكده
والاعلانات اللي تغيظ اللي تقولك نورتو مصر ونيلتو مصر واكيد انتو عارفينها وعارفين منظر البنات اللي بيطلعو فيها
صحة مفيش وامراض منتشرة في معظم جسد المصريين ونظام تأمين صحي زي الزفت وبالتالي انتاج مفيش
نظام تعليم فاشل وبيطلع اجيال من معدومى الابتكار والتفكير
البلد بتتباع..واللي عبد الناصر اممه وفاد بيه البلد هما جايين يبيعوه دلوقت
مع ان القطاع العام هوه اللي موقف البلد على رجليها لغاية دلوقت
يا تري هي دي مصر
هل تقبلو ان دى تبقي امكم
تقبلو انها تبقي بالشكل ده
انا صحيح بحب مصر..لانها بلدى ..ولانها تستحق انها تتحب
لكن معقولة مصر تستحق مننا كل ده
انا اعلنها صراحة...بحبك يا مصر...وبكرهك يا حكومة مصر
اعلنها صراحة...مصر مش هي امى...مصر بقت مرات ابويا
24 comments:
صديقي على اسم مصر...
هذه ليست مصر هذا هو النظام وذاك هو مبارك...
فمصر شيء اخر مصر الوطن اختلطت حد ان يصعب التفريق بينها وبين مبارك.. فباتت مصر هي مبارك وكوني لا انتمي لمبارك فأنت لن تنتمي لمصر هذه....
اشاركك الحرقة اشاركك الموقف...
دمت بكل ود..
خالص تحياتي
المشكلة مش فى مصر
مصر بلد كبيرة وحبها فى القلب بيكبر ديما
المشكلة فى بعض القائمين على حكمها
تحياتى
اخى العزيز:
موضوع قوى جداواهنئك على اسلوبك
المتميز..لكم يحززنى ان ارى مصر(نفس
البلدالتى من اجلها افنى مصطفى كامل
وسعد زغلول وملايين الشهداء منذ عصر
الفراعنه والهكسوس الى حرب اكتوبر من
اجلها ارواحهم)تباع الان قطعة قطعة
امام اعيننا ولا نقدر على فعل شىء
والحكومه التى قد اءتمناها على الدوله
هى التى تفعل ذلك(حاميها حراميها زى
ما بيقولوا)لكن لا نملك الا الدعاء لمصر
واهل مصر وان ننتظر فرج الله ومقدم
جيل من الشباب المتدين المسؤول...
هاكوا..
مصر هى امى لكن الحزب الوطن مش ابويا
والله كلامك وجعنى قوى مع انه مش غريب علينا لكن ساعات بعمل نفسى مش واخده بالى وساعات باتخنق واقول
ليه يا مصر بتعملى فى ولادك كده؟
تحياتي يا رفيق الحرف،،،
هناك مثل يؤلمني كلما تذكرته لكنه يتكرر باستمرار، يقول: "على جثة آخر شهيد تعقد أول صفقة"..
وهذا ما يحصل..
السؤال الذي يطرح نفسه: ما نوع الصفقة المطروحة في كل مرة؟
أعتقد جازمة أن مصر هي العقل المفكر والمدبر في العالم العربي كله.. وفلسطين هي القلب النابض..
عندما ينبض القلب دون تفكير، أو عندما يفكر هذا العقل دون نبض وأوكسجين.. فإن الدورة الدموية للنصر تبوء بالفشل.. وتصاب كل الأعضاء الأخرى بالشلل ثم تموت تدريجيا.
هي كبوة..
طالت أو قصرت..
النصر آت..
ومن مستصغر الشرر تتأجج شعلة النار فيما بعد
فلا تيأس..
أمنا بخير، لكنها لم تمشط منذ زمن جديلتيها..!
هل يا تري مازالت مصر هي امي؟!!"
الاجابة:: لا ثم لا ثم لا
دى ام خلفتها كلها حرامية وحشاشين وقتالين قتلة
دى ام دى
دى ام قيويئ
بالنسبه لاغنية مصر هى مامتى انا معنديش بيجامه خضرا
مصر دى بلد الغلابة المحرومين
بلد العقيد والعميد والامين
يشتموا فيك ويهزءوك فى كمين
وانت ورا كل شتمه تقول امين
ماانت خايف منهم اصلهم متوحشين
أغنية مصر هي أمي أتعملت في عهد مبارك، زيها زي أغاني كتير كان هدفها تدعيم الأحساس بالمواطنة في نفس الوقت اللي البلد فيه كانت بترجع لوره شوية بشوية.
و أنا كمان بعلنها صراحة. بحبك يا مصر.
و لو شبهتها مش هشبها بمرات أبويا لأن مصر مش هي الحكومة ولا هي حتى شعبها، مصر أرض. هشبها بأيوب اللي أتشل و أرادته اللي هتوقفه على رجليه في يوم من الأيام هي أفراد شعبها المتعلمين اللي عندهم وعي.
ورجع و أقول. بكره الزمن يحلو، تنساني كلمة لو..
osama
اعلم جيدا ان مصر شيء ونظام مصر شيء اخر تماما
ومصر ليست مبارك
ولكنى حزين على ما يحدث لوطننا
تحياتى لك على تواجدك اخى الكريم
Tamer Nabil
بص يا تامر
المشكلة مش في بعض القائمين على حكمها
المشكلة في كل القائمين على حكمها
بس دي مشكلة صغيرة
تعرف المشكلة الكبيرة فين
فينا احنا
وده سببة ايه
ايه اللي خلانا كده
القائمين على حكمها برده
تحياتى لك
هاكوا
اعتقد ان لو مصطفى كامل ولا سعد زغلول عايشين لغاية دلوقت
كان زمانهم في عنبر واحد في السجن مع ايمن نور وطلعت السادات وشركاه
مصر دلوقت مش هي مصر زمان بتاعة الناس دى
مصر دلوقت هي الكوسة والفهلوة وتفتيح المخ
وبعدين مين قالك ان احنا مش بنعمل حاجة
فيه ناس كتير بتعترض على بيع البلد قطعة قطعة وبتفضح الحكومة وبتبين غبائها للناس
لكن الحكومة الظالمة بتبيع غصب عن كل الناس
وانا مش معاك اننا لا نملك الا الدعاء لمصر
لا احنا في ايدينا حاجات كتير اوي
في ايدنا ان كل واحد يغير نفسة للأحسن
واننا نراعي ضميرنا في كل حاجة
واننا نرجع لديننا ونتمسك بيه
واننا مش نسكت على الظلم ونفضحهم
ونوعى الناس اللي نايمة في العسل ونقولهم على اللي بيحصل في البلد
في ايدنا كتير يا هاكوا...وربنا معانا
شكرا على تعليقك وتواجدك اخى الكريم
منى
الحزب الوطنى لا كان ابونا ولا عمره هيكون
والصراحة الكلام ده بيوجعنا كلنا بس نعمل ايه
هي دي الحقيقة
واسمحيلي اعدل سؤالك
ليه يا حكومة مصر بتعملى فى شعب مصر كده؟
ليه يا رئيس مصر بتعمل فى شعب مصر كده؟
ليه يا شعب مصر بتعمل فى نفسك كده؟
اسعدنى تواجدك اختى الكريمة
أمل إسمـاعيل
اتعرفين ما هي الصفقة المطروحة دائما؟
حكمى وحاشيتى ونفوذى وثروتى ومُلكى وتاجي وكرسيَّ
فوق شعبي وبلدى وديني وعروبتى وكرامتى وفلسطينى وعراقي
هذا هو لسان الحكام العرب دائما
هذه هي الصفقة التى عقدوها مع انفسهم ويثبتون ولائهم لها كل يوم
وانا اوافقك الرأي في ان امنا بخير وانها مجرد كبوة وان النصر آت لا محالة
تحياتى لكى يا رفيقة الحرف
لعل هذا الحرف يغير الكثير
ويصنع المعجزات
البنت الشلبية
والله ضحكتيني بجد
بس مش للدرجة دى يعنى
هي صحيح الحاج مبارك خلاها ام قويق
بس احنا بنحاول نرجعها تانى الاميرة الجميلة بتاعة زمان
تفتكري ينفع؟
شكرا لتعليقك الجميل ده
eslam
بالنسبه لاغنية مصر هى مامتى انا بقي عندى بيجامه خضرا
وشكرا ليك على الخاطرة الجميلة دى
بجد حلوة
بس اكيد دي مش ليا انا
انا يا عم لا حد بيشتمنى لا بيهزقنى ولا خايف من حد
على الاقل لغاية دلوقت
ههههههههههه
تحياتى
Arabiology
متهيألى مفيش احساس بالمواطنة ولا بالانتماء بمجرد الاغانى بس
ازاي هحس للانتماء لبلدى وهي بتبهدلنى بالشكل ده
هقولك حاجة
تعرف ان فيه عشرين الف مصري عايشين في اسرائيل
وبيشتغلو هناك ومتجوزين اسرائيليات
دول لو عندهم انتماء حقيقي هيعملو كده
وطبعا قبل ما نحاسبهم لازم الاول نحاسب اللى خلاهم يعملو كده
صح ولا ايه
تحياتى ليك وشكرا لمرورك وتعليقك
آه هى لسه امى
بس الله يرحمها
اقرولها الفاتحة ياجماعه
بسم الله الرحمن الرحيم
الحمد لله رب العالمين.الرحمن الرحيم.مالك يوم الدين.اياك نعبد واياك نستعين.اهدنا الصراط المستقيم.صراط اللذين انعمت عليهم.غير المغضوب عليهم.ولا الضالين
آآآآآآآآآميييييييين
يااااااه
والله انا قلت الكلمة دي من زمان قوي
مصر مش امي ...مصر مرات ابويا
بس خلاص
سبق السيف العزل
احنا مصريين ..و بنحب مصر
بس انا لا انتمي لها
لاني لا مستقبل لي بها
مصر بقت قاسية قوي علي ولادها
(علاء الاسواني-عمارة يعقوبيان)
البلد دي عاوزة صيع
برضه نفس الكاتب
غريب اني مبقتش احب مصر زي الاول
مبقاش يفرق معايا الا الناس الغلابة
بس مصر كاسم بلد..لا يعنيني
احييك علي موضوعك
معتقدش ان فيه ام قاسية كده مش عارف ليه علطول بفتكر هند صبرى (التونسية) فى عمارة يعقوبيان "مصر بقت قاسية قوى على أهلها"
http://yamarakby.blogspot.com/2007/07/blog-post_28.html#links
MerMaid
كلنا دلوقت بنقول ان مصر مبقتش امنا
بس مش معنى كده اننا نكرهها
حتى في الحياه العادية
ممكن ام تقسي على اولادها
وولادها يكونو زعلانين منها ومخنوقين منها
لكن برده عمرهم ما يكرهوها
وبيني وبينك
علاء الاسوانى عنده حق والله
نورتى المدونة يا MerMaid
محمد
فعلا
مصر بقت قاسية اوي على ولادها
لكن هنعمل ايه
لازم نستحمل لو امنا قاسية لغاية ما نتجوز ونغور بقي
شكرا على زيارتك الكريمة
يا مراكبي
انا دخلت الموضوع اللي انت كاتبه
وقريته كله
واحييك عليه لانه فعلا موضوع جميل ومؤلم يوضح مدى الفساد اللي وصلنا له
لكن انا مش شايف اي تشابه بين موضوعك وموضوعى غير في نقطة ان مصر بقت مبقتش امنا بقت مرات ابونا
ومش انا وانت بس اللي بنقول كده
لكن المصريين كلهم بيقولوا كده وحاسين بكده
شرفت المدونة
Post a Comment