Sunday, March 28, 2010

اهو جه يا ولاد اهو جه يا ولااااااااااااد



تهنئ المدونة الشعب المصري
بسلامة وصول السيد الرئيس/ محمد حسنى مبارك
وتقدم لسيادته خالص الامنيات بدوام الصحة والعافية
جعله الله زخرا وفخرا لكل المصريين
فهو الرئيس الاب والقائد والمعلم
وظل الله على الارض والمنزة عن اى عوج او نقص
هو راعى الثقافة والمثقفين
راعى الرياضة والرياضيين
راعى العلوم والمعلمين
راعى الشباب ووالمشبشبين
راعى الفن والفنانين
راعى السياسة والسياسيين
راعى الاسماك والسماكين
حامى حمى الديار المصرية
الشرقية منها والغربية


كمان تقدم المدونة تهنئة خاصة
للسيدة حرم فخامة السيد الرئيس
الوالدة باشا هانم
ام ولى العهد المصون
ذات الاصل الانجليزي العريق
وراعية المرأة والتحرر
كمان اشكر الفنان القدير عمر و دياب
على اغنيتة الرائعة واحد مننا
فعلا هذه الاغنية تعبر عن مكنونات الشعب المصري العريق
فكثيرا ما شاهدت السيد الرئيس
وهو واقف بجابني في طابور العيش
وفي طابور السجل المدنى
وفي طابور المستشفى العام التى تعالج فيها
مثله مثل اي فرد من الشعب
فنحن لا نصدق الاشاعات المغرضة
التى تزعم ان الرئيس تعالج في الخارج
هذا كلام المغرضين والحاقدين
الرئيس لا يتأفف من العلاج
مثل اي واحد من رعيتة
حفظة الله ورعاه
وحماه من كيد المعارضة والبرادعى وما سواه

15 comments:

Haytham Alsayes said...

ههههههههههه

شكلك كدة ناوي تخش السجن
كنت باسمع نشرة الاخبار النهاردة فبيقولوا الكلام البايت بتعاهم وطبعا شوية النفاق دول استوقفتني كلمة نظيف بقولوا حمدا لله علي سلامتك وكلام من بتاع انت رجعت عشان تكمل مسيرة التقدم والرخاء التي يشهدها الشعب المصري طيب ان حلفك بالله انا وانت شايفين تقدم ولا رخاء



يارب صبرنا علي ما بلتنا


سلام ياعم انا بجد تعبت

يا مراكبي said...

طيب ما الراجل زي الفل أهو وإنت قايل فيه درر في البوست ده .. أمال فيه إيه؟

أمال البلد حالها مايل ليه؟
يكونش العيب في الشعب؟

آه هو الشعب
لازم نحرق الشعب الوحش ده
:-)

السينيور said...

هيثم السايس

متوقع طبعا تسمع كلمتين مسح الجوخ دول من اي حد
ده حتى بعض القنوات والصحف المستقلة دخلت في معمعة التهنئة هى كمان
ده انا كنت خايف اجيب قناة الجزيرة لحسن الاقيهم بيهنوا هما كمان

شكرا لمرورك الجميل

----

يا مراكبي
انت عارف العيب منين
العيب في النظام
اللي اكل في العظام
مهو طول عمر الشعب هو اللى غلطان تاريخيا وسياسيا
مفيش حاكم وحش ابدااااااا
يارب دايما منورنى كده

ريمان said...

ههههههههههههه


السلام عليكم


بجد مش عارفه اقول ايه بس

ده احنا طلعنا يا جدعان ظالمين الريس اوى


ده فعلا البلد حالها فل الفل وكله تمام والناس مبسوطه خالص خالص ومحدش عنده اى مشاكل

يلا حمد الله على سلامته ويعيشنا فى رخاء وازدهار اكتر واكتر


ربنا يتولانا برحمته بقه


احنا شكلنا كده هنتفقش

المدونات ليها ودان برضه هههههه

ربنا يستر علينا


سعيده بزيارتى لمدونتك

واسلوبك ظريف على فكره

تحياتى ليك

هبة النيـــــل said...

ههههههههههههههههههههههههههههههههههه

بالضبط زي ما قال الأستاذ هيثم

ناويها

ههههههههه

بس ساعتها ولا هنعرفك طبعا :)

هبة النيـــــل said...

ال 3 مدونات أروع من بعض فعلااا

مدونة الأدب الانجليزي لا تقبل وضع تعليق

هل هو سبب عطل فني؟؟

السينيور said...

ريمان

يعنى انتى داخلة سعيدة وبتضحكى والبلد زي الفل
وكمان سعيدة بزيارتى
امال ايه المشكلة بقي مع كل السعادة والبهجة دي
يكونش العيب فينا صحيح زي ما قال المراكبي
امال يا جماعة لو مفيش مشاكل في البلد انا ومنى الشاذلى وعمرو اديب هناكل عيش منين
هنقعد نوصف في حلاوة وجمال البلد بقي ولا ايه
انا برده سعيد بزيارتك جدا
وكل التحية لكِ

-------
هبة النيل

حكاية ناويها دي في علم الغيب لكن كله على الله
بس يعنى مينفعش تفتكروا اخوكوا بعيش وهمبرجر حتى
ده اذا مكنش انتوا اللى مبلغين عنى اصلا
وعلى فكرة انتى فجأتيني بموضوع التعليقات ده
والحمد لله تم اصلاح العطل الفنى والمدونة مولعتش بسبب ماس كهربائي ولا حاجة
تشرفت بزيارتك جدا
تحيتي

لــــ زهــــــراء ــــولا said...

كمان تقدم المدونة تهنئة خاصة
للسيدة حرم فخامة السيد الرئيس
الوالدة باشا هانم
ام ولى العهد المصون
ذات الاصل الانجليزي العريق
وراعية المرأة والتحرر
كمان اشكر الفنان القدير عمر و دياب
على اغنيتة الرائعة واحد مننا
فعلا هذه الاغنية تعبر عن مكنونات الشعب المصري العريق
فكثيرا ما شاهدت السيد الرئيس
وهو واقف بجابني في طابور العيش
وفي طابور السجل المدنى
وفي طابور المستشفى العام التى تعالج فيها
مثله مثل اي فرد من الشعب
فنحن لا نصدق الاشاعات المغرضة
التى تزعم ان الرئيس تعالج في الخارج
هذا كلام المغرضين والحاقدين
الرئيس لا يتأفف من العلاج
مثل اي واحد من رعيتة
حفظة الله ورعاه


"بجد انت مشكلة ... انا النص الاول من الموضوع كان هيخليني انسحب بهدوء قولت في سري هو الولد اخويا الصغيور مفروس افندي مصري مش حاسس باللي احنا فيه ولا ايه !!! بس النص التاني من الموضوع وضحلي قصدك ايه... ربنا يدومه لمصر زخراً ... وشكراً عمرو دياب وشذى وغيرهم ...اشك لو واحد فيكم جرب طابور من طوابير العيش وغلو الاسعار وزحمة المواصلات ...كفاية كدا عشان منقلبش المواجع ..تسلم الانامل ):"

السينيور said...

لولا وزهراء
لا تقلقي
المواجع بتتقلب لوحدها كل لحظة
طالما الواحد لسه عايش في مصر
تحت حكم ال مبارك
دمتى سالمة

أسما عواد said...

خلي قلبك ابيض
الدنيا حلوة
والناس اللي بتتكلم عنهم حلوين
موش عارفة انت مفروس بقى ليه
انا موش عارفة ازاي الشعب ممكن يزعل من حكومة رئيسها مبارك و
رئيس وزرائها نظيف وولي عهده جمال
ومجلس شعبه سرور
اما شعب مفتري بصحيح

الغاردينيا said...

شر البلية مايضحك !
هههههه
تحية ملكية لك
تلائم مع البوست ,, هههه

IBN BAHYA - إبــن بهيـــــــــــــة said...

أولاً شكراً على هذه التدوينة الجميلة

ثانياً ليه وليه بقى تغتت على الشعب المصري كده وتنغص عليه فرحته بعودة مولاه طويل العمر يطول عمره وغلبه وقرفه

ليه بقى؟

إسمحلي بكلمتين في حلقي محشورين
فخفخامة جنابه رجع عظم في قفه .. بس قفه سلطاني مصنوعة من حرير

زمان في أحد خطابات صدام حسين العصماء قال نكته عن الملك فهد لما وصل زي حسني كده إلى أرزل العمر وكل يوم يسفروه بره للعلاج

قال إكرام الميت .. إيه؟

دفنه

وليسمح لي القائد المفدى أبو عدي ((أيوه هو ده بيموت))
أن أستعير منه كلماته تلك لفخفخامة جنابه

وأقولهم نفس البق الصدامي ده

ربنا يتولانا

mony monmon said...

انا لسه قريه الكلامه ده دلوقتى
بس جامد
ربنا مايحرمنا منه ومن دخلته علينا

adhm said...

الكلام دة عظيم بس اين انت الا ن
لقد قامت الثورة ومبارك واولادة واركان نظامة الفاسدفى السجن

Unknown said...


شركة مكافحة النمل الابيض بالرياض
شركة مكافحة الفئران بالرياض
شركة رش دفان بالرياض
شركه مكافحه حشرات بالرياض
شركة تنظيف فلل بالرياض
شركة تنظيف موكيت بالرياض
شركة تنظيف كنب بالرياض
شركة تنظيف واجهات بالرياض