مصر...انا بحبك
وزعلان عشانك أوي
زعلان من اللي بيحصل فيكي
من اللى ولاد الكلب بيعملوه ومش لاقيين حد يحاسبهم
هى دي أخرتها
معقولة الأمور توصل للدرجة دى
الشرطة وقولنا ماشي
ودخلنا في موواويل وحوارات وافشخنات ملهاش أول من اخر
لكن توصل للجيش
بجد أنا مش مصدق
ومذبهل لغاية دلوقت
عمري ما تصورت أن الأمور توصل للدرجه دى
رجاء..اتفرجوا على الفيديو لغاية الآخر...
وبعد كده اعملوا اللي انتو عايزينه...
حسوا اللي انتو عايزينه...
قولو اللى انتو عايزينه...
----------------------
لو الفيديو يا جماعة مظهرش ده الرابط بتاعة على الحاج يوتيوب
21 comments:
صباحك زى الورد
بصراحة مفيش فسديو باين عندى ممكن يكون فى مشكلة
عامة متزهقش كل ما طال الليل فى صبح جى
اي كلام يقال لن يعبر عن ما في صدري .. ومعاك كل الحق في غضبك .. مش عارف دي دولة ايه دي اللي تعمل كدا...
حاجه تغيظ جداً... كم جندي مصري تلقفهم رصاص الاسرائيلي على الحدود ونحتفظ بحق الرد زي سوريا بالظبط ههههههههه
هذا ضحك شر البلية ضحك السخرية المريرة...
دمت بكل ود..
خالص تحياتي
مش قادر اتكلم والله الكلام واقف جوايا مش عارف اطلعه ازاي فعلا العين بتدمع على المستوى اللي وصلناله
حاسس ان احنا بقينا شعب اخرس مش قادر يتكلم
حسبي الله ونعم الوكيل
الله عليكى يامصر
وانتى منورة بالفقر
والقهر
تحياتى لك
فديو تمام
أحمد مصطفى
مفيش فديو عندي باين
مش مشكلة ححاول ارجع واشوف من ثاني
وارجع اعلق
متشكرة للزيارة
انا مش عارف ايه حكاية القرصاية دي
وهل الاهالي ملاك للجزيرة دي ولا واضعين يدهم عليها؟
انما على كل
صعب قوي قوي تدخل القوات المسلحة في شأن مدني زي كدة
بس اكيد الموضوع له تفسير
تحياتي
الجيش فعلا بيحط ايديه علي الاراضي الاستصلاحية التي تم استصلاحها و دفع الافا مالفة فيها ليتم استغلالها بواسطة الجيش
و فجاة تصبح الارض اللي طلع عين اهلها فيها و صرفوا عليها دم قلبهم
تطلع ملك الدولة؟
طيب كانت فين الدولة لما كانوا بيستصلحوها الناس الغلابة و حاطين فيها أمل؟؟
انا مشفتش الفيديو الصراحة لاني ماليش حساب علي يوتيوب
بس انا قرات التعليقات و استشفيت الموضوع ...اتمني يكون صح
===========================
:)))
مش هعرف اشوف الفيديو
لكن متخيله
اى حاجه ممكن تحصل
وطبعا الاراضى اللى الكبار حطين ايديهم عليها محدش يقدر يقرب لها
كلنا مفروسين
انا كمان زعلانة منها اوي
مش متخيل انا جوايا ايه من ناحيتها
وانا اللي جاية اقولك انك ليك تاج عندي واعمله
اديك نكدت عليا
شىء صعب لما اللى المفروض يحمى البلد ويدافع عنها
هو اللى يحارب اهلها ويخرجهم من ارضهم
ربنا على الظالم والمفترى
تحياتى
Ahmed
صباحك عسل بالقشطة يا باشا
تم تظبيت لينك يا معلم لو الفيديو مش باين
واكيد الصبح جاي قريب ان شاء الله
امتى الله اعلم....لكن اكيد جاي
شكرا على مرورك يا ابو حميد
osama
والله ما انا عارف انا كمان دولة ايه دي بالظبط
دولة ايه اللي فالحة تتشطر على مواطنيها ومش قادرة على اعدائها الحقيقيين
فعلا ممفيش كلام يعبر عن اللي جوانا
تحياتى لمرورك الكريم
White heart
الحكاية مش حكاية شعب اخرس
الحكاية حكاية اننا بقينا شعب جبان
الكلام كتير والناس اللي بتتكلم كتير
لكن مفيش فعل ولا تحرك
واكتر كلمة تسمعها من الناس وانا مالى
ونفسي اعرف امال مين اللى ماله
شكرا على زيارتك الجميلة دى
أحمد باشا مصطفى
تحياتى ليك على زيارتك الكريمة وكلامك الحقيقي المعبر ده
ليمونادا
نورتى المدونة والله
ولو مشفتيش الفيديو ادخلى على اللينك وانتى تشوفيه
ومتشكر لزيارتك انا كمان
تحياتى
A.SAMIR
هقولك انا الموضوع بالبلدى كده
تصور لا قدر الله مثلا يعنى ان فجأة لقيت ان فيه ناس بيقولو ان الارض اللى انت ساكن فيها دى بتاعتناوامشي من هنا دلوقت
طبعا مش هتطلع لانك هتروح فين وملكش مكان غير اللى انت فيه
شوية لقيت الامن جاي وبيطلعك بالعافية
يا تري هتعمل ايه
هو دي كل الحكاية
واهالى القرصاية قالو هنعيش هنا وهنموت هنا
وحتى لو واضعين ايدهم عليها
هما عايشين فيها من زمان اوي
هي الحكومة مفتكرتش ده الا دلوقت
وبعدين فيه الف طريقة لتسوية الموضوع
انما مش كده يا حكومة
وربنا معاهم... ومعانا
شكرا على زيارتك الكريمة دى
MerMaid
فعلا يا MerMaid الموضوع صح زي ما قلتى
لكن مش الجيش هو اللى هياخدها لحسابة
الجيش بياخدها لحساب رجل اعمال اسمه على ما اتذكر محمد ابو العينين وقريت في جبهة تحرير مصر ان معاه جمال وعلاء مبارك ومش عارف الكلام ده حقيقي ولا لا
وعلى فكرة مش لازم يكون عندك حساب على يوتيوب علشان تشوفي الفيديو
شكرا على مرورك الجميل ده يا MerMaid
منى
فعلا كلنا مفروسين
والصغار لو معملوش حاجة الكبار هياكلوهم
يالا بقي
ما احنا بقينا في غابة اسمها مصر
صح ولا ايه
شكرا لمرورك يا منى
سمراء النيل
كلنا زعلانين
لكن هنعمل ايه
وانا اسف انى نكد عليكي
معلش بقي كلنا متنكدين
وانا اكتر واحد والله
وحاضر من عونيا الاتنين تاجك على راسي
شوية بس كده لانى مشغول جدا
وربنا يعلم انا عامل ايه عشان ادخل اكتب التعليقات دى
ان شاء الله اول ما افضى هعملة على طول
ده تاج غالي عليا اوى لانه اول تاج يجيلي في حياتى التدوينية
تحياتى ليكي يا سمراء النيل
Tamer Nabil
فعلا شيء صعب اوى لما تلاقي اللي المفروض يحميك هو اللي بيحاربك
ربنا يستر على البلد دي والله
شكرا يا تامر على الزيارة ومنور دايما
Post a Comment