كل سنة وانتو طيبين جميعا وان شاء الله يكون عيد سعيد عليكموالعيد الجاي باذن الله يكون من غير فرعون (على راي كفاية)
ايه ده هو انا هقلبها سياسة حتى في العيد
الواحد عايز يلم لسانه شويه مش عارف
ان شاء الله في العيد ناوى اخد هدنة تدوينية سياسية نكدية شاملة
يعنى في العيد لا للسياسة ولا للنكد ولا للتدوين ولا لمبارك
يوه يادى النلية مش قولنا بلاش سياسة يا عم انت
خلاص خلاص على العموم احنا لسه النهارده الوقفة ولسه العيد بكرة
يبقى حظر التجول يووووه قصدي حظر السياسة من اول بكرة ان شاء الله ولمده اربع ايام العيد في جميع دور العرض
يالا بقي اشوفكو ان شاء الله كمان اسبوع ومتأسف جدا ليكم لو كنت مقلل شوية اليومين دول لكن كنت مشغول جدا والله
وكل سنة وانتو طيبين
وكل سنة وانتو طيبين
الا بالمناسبة هو كيلو اللحمة بقي بكام النهاردة؟
