Friday, January 02, 2009

أغنية عيد الميلاد


العالم كله سعيد
بالعام الجديد
وأصوات من بعيد
بتغني وبتقول
وي ويش يو أميري كريسماس,
وي ويش يو أميري كريسماس,
وي ويش يو أميري كريسماس,
أند أهابي نيو يير.

وأقوى الاحتفالات
لأيام وساعات
من غزة تخرج آهات
والعالم يرد ويقول
وي ويش يو أميري كريسماس,
وي ويش يو أميري كريسماس,
وي ويش يو أميري كريسماس,
أند أهابي نيو يير.

بينور سماها انفجارات
طيران يضرب صواريخ
ونيران وانهيارات
والجو يتشبع صريخ
والعالم يهني ويقول
وي ويش يو أميري كريسماس,
وي ويش يو أميري كريسماس,
وي ويش يو أميري كريسماس,
أند أهابي نيو يير.

من شهور تحت الحصار
وينتهي بالدمار
ولا دوا ولا أكل
عيشة كلها أضرار
وحكام العرب واقفين
يتفرجوا ويتكلموا
ويسقفوا وفرحانين
ويقولوا لبعضهم
وي ويش يو أميري كريسماس,
وي ويش يو أميري كريسماس,
وي ويش يو أميري كريسماس,
أند أهابي نيو يير.

يا ناس يا سايبة القضية
دي مش ألعاب نارية
دي لها ألف ضحية
وميت جريح على سرير
فين العلاج والمساعدات
بدل ما تهتفوا في الاجتماعات
وي ويش يو أميري كريسماس,
وي ويش يو أميري كريسماس,
وي ويش يو أميري كريسماس,
أند أهابي نيو يير.

يا شباب يا مغيبين
مبسوطين وإحنا ضايعين؟
أغانى وماتشات
هي كل حياتكم
وناس من غير أمان تموت
ما تنزل علشانها دموعكم
روحوا واحتفلوا
في النوادى والديسكوهات
واصرخوا وغنوا بأعلى صوتكم
وقولوا من قلبكم
وي ويش يو أميري كريسماس,
وي ويش يو أميري كريسماس,
وي ويش يو أميري كريسماس,
أند أهابي نيو يير.

وشباب غضبان بيغلي
نفسه يعمل أي حاجة
مش بأيده غير انه يصرخ
في مظاهرات وإضرابات
نتيجتها إعتقالات
وضرب وإهانات
حتى صوتنا جوانا
عايزينه يخرس زي البعير
عايزين ضميرنا يموت
والأمن في كل حته
يضرب ويقول
وي ويش يو أميري كريسماس,
وي ويش يو أميري كريسماس,
وي ويش يو أميري كريسماس,
أند أهابي نيو يير.

يا أهل غزة المناضلين
بنعلنها مجاهرين
إحنا معاكم بقلوبنا
بدعائنا وإبتهالاتنا
ولو نستطيع
بأموالنا وأنفسنا
اصبروا واثبتوا واحتسبوا
ونأسف أننا مش هنقدر نقولكم السنة دي
وبكل حزن مرير
وي ويش يو أميري كريسماس,
وي ويش يو أميري كريسماس,
وي ويش يو أميري كريسماس,
أند أهابي نيو يير.

8 comments:

Asmaa Fathi said...

الاحتفال بالعيد


ليس بالضروره انى سعيد


وعام جديد ليس الا احزان بتزيد


عارف اللى بيهرب من همه


وبيضحك على نفسه


ويقول انا سعيد انا سعيد


وجواه آهات فى كل ثانيه بتزيد


مع كل صرخة شهيد

مع ام بتبكى الوحيد

مع اب مش عارف ايه فى الايد


غير انه يدعى المجيد


دى مش سعاده

ولا غنى ولاحتى فرحه بعيد


ده زى الطير اللى بيرقص قبل مايموت بعد

الدبيح


غنى لان اصدق اغانينا هى اغانى القلب الحزين


وفرح بس فين تلاقى الفرح الحقيقى انت فى الاول والاخر بتضحك على نفسك وتقول سعيد


تقبل تحياتى


أختك

عابرة السبيل said...

وتمضى الحياة

Anonymous said...

مزيد من الالم حولنا ومزيد من صمتنا وتستمر المعاناة

Anonymous said...
This comment has been removed by a blog administrator.
السينيور said...

gana magde

3abratalsabeel

hend...hanady

شكرا لمروركم.. نورتو البلوج

يا مراكبي said...

عيد؟

بأي حال عدت يا عيد

واحدة مجنونة said...

يعني كسلان و مش بكتب و قلنا ماشي كمان شكلك مش بترد على التعليقات كمان
و المدونة دي صحيح ملهاش نفس تغيرلها الديكور هي كمان
انا جيت اسلم بس على المدونة اصلها وحشتني
و ابقى اكتب فيها يا كسلان
كلمة في ودنك( انا اللي كسبانة لحد دلوقت في المنافسة)
تحياتي

Tamer Nabil Moussa said...

كل سنة وانت طيب


عيد سعيد عليك وعلى اسرتك الكريمة


مع خالص تحياتى