Monday, February 25, 2008

كلام وسط الزحام


كان الكلام وسط الزحام
أيه الكلام... متفهموش

فيه ناس تهلفط وناس تبلبط
وناس كلامها يطلع فاشوش

كان الزحام عند الميدان
وشوش كتير شايله نعوش

قال إيه إعتصام من غير كلام
قال إيه مظاهرة... وميهتفوش

وأنا كنت ماشي ولقيتني فجأة
بين المعارك... وسط الجيوش

عسكر كتير ملهاش مثيل
واللبس ميري يداري الكروش

والحرب قامت وبلادي نامت
وكل الشطارة حفظ العروش

وأخدلي ضربة وعلى راسي خبطة
وكل ده... وميكفهوش

وطلعت أجري ولقيتلي رجلي
تدوس ع ناس... ميهمنوش

وأنا بس مالي وأعمل إيه
أنا همي أهرب من الوحوش

وروحت بيتي ودمي سايح
جروح كتير دي ولا خدوش

وقلبي يبكي ع اللي بيحصل
وعنيا تسهر... ولا يناموش

وفُت تاني على الميدان
وشفت من تاني الزحام
من غير سلام ولا كلام

لقيتني واقف مع الوشوش
وشايل مع الناس النعوش
واللي حصل أنا منساهوش

18 comments:

فاتيما said...

الله يفتح عليك يا بنى
خالص إعجابى

شقاوة شعب said...

راااائع الزجل ده
بجد فى الجون

لأ والصورة اللى محطوطة بجد مالهاش حل

تحياتى
شيماء

Haitham Abu Akrab said...

متشكرين علي المطلع الجامد ده يا فنان

البنت الشلبية said...

ههههههههههههههههههههه
الصورة موتتنى من الضوحك

Anonymous said...

استمتعت جدا بقرائة هذا البوست

اسلوبك جذاب

نوري said...

جميله جدا
ومعبره قوي
احييك ع تنسيقك
وقوه كلماتك
والي الامام
و(بست وشز فور يو)0

البنت الشلبية said...

ههههههههههههههههه
حلوة دى

مطرح ما ترسى....دقلها said...

مدونة روعة بجد

اول مرة اطلب من حد الطلب ده

بس ياريت نبقى اصحاب

انت اسلوبك جميل جدا فى الكتابة

وانا بحب الناس اللى بتتكلم من غير خوف

kariemi_m@yahoo.com

c u sooooon

يا مراكبي said...

أحلى حتة هي لما رجع البطل تاني وسط الزحام .. يشيل النعوش

اليوم نحمل .. بفتح النون

وغدا نحمل .. بضم النون

اللي هربت منه النهاردة .. جايز تقع إنت فيه بكرة .. ما ينفعش تقول: وأنا مالي

sahar alnawawy said...

رائع جدااا
تحياتي

مجلة سيكولوجية مصرية said...

لا .. لا .. كأنى بقى لى 100سنه
مدخلتش على مدونتك

اسف لغيابى الطويل

تقبل تحياتى

أخوك

أحمد مصطفى

يوميات فنانه مفروسه جداا said...

بوست معبر وواقعي وأسلوب هايل ما شاء الله عليك.يسعدني تواصلي معك كاصحاب صناعه واحده وهي الفنون وأصحاي أسم واحد مفاريس أول زياره أسمحلي اكررها بعد اذنك
تقبل مروري
تحياتي

-_- said...

صيف سعيد ليك و للكل

أمل فتحى عزت said...

اسعدنى المرور بمدونتك وأتمنى لك التقدم والمزيد من الاهداف النبيلة


كما أدعوك لزيارة مدونتى والتى محتواها


تعالوا نسافر المسافات الى زمن من المحبة لاينتهى


كما أدعوك لقرأة قصتى


(بكل لغات العالم أحبك)

Anonymous said...

افقساقل

almasry said...

بص هقولك حاجه انا المفروض اشتغل صحفى وانا بدرب دلوقتى تخيل يامؤمن وانا بدرب مفيش حته فى قفايا مفيهاش علامه امال لما أشتغل هيحصل ايه؟



اتمنى تزور مدونتى



تحيــــــاتى
المصــــــــــرى

Anonymous said...
This comment has been removed by a blog administrator.
السينيور said...

الف الف شكر على تعليقاتكم الرائعة

اخجلتم تواضعنا بجد